არა ვართ გულახდილები, ცდუნებას ვერ უძლებთ.

დღემდე ვიმეორებთ – აფსუას, სამაჩაბლოს, რა ხდება? რატომ? თქვენ წარმოიდგინეთ – შევარდნაძის ყოფილი რწმუნებული აფხაზეთში ამას, რომ დღეს გაიმეორებს საჯაროდ და იტყვის – ისინი აფხაზები კი არა აფსუები არიანო! მაშინ, იმ წლებში რას ფიქრობდა და რა სიძულვილით უყურებდა აფხაზებს! დიახ, სიძულვილით! იგივე სიძულვილი შეიმჩნევა როდესაც დიდი სიამაყით ვაცხადებთ – ჩვენი სამაჩბლოო! მე ისტორიის ცოდნაზე თავს არ დავდებ. ჩვენი ისტორიის მამები გვასწავლიდნენ, "ქართლის ცხოვრებაც" კი საკმარისია, რომ მიხვდე ადამიანი – არის საქართველო, არის აფხაზეთი, არის ქართლი სადაც საუკუნეების წინ ისევ ჩვენმა მეფეებმა ჩამოასახლეს, შემდეგ გაყარეს და კვლავ ჩამოასახლეს ოსი ხალხი. ეს მიწა მათი სამშობლოა ისევე როგორც ნებისმიერი ადამიანისთვის, რომელიც საძირკველს გაიდგამს უცხო ქვეყანაში და იქ იცხოვრებენ მისი შვილები და შვილიშვილები. რას მიქვია – აფსუა? გინდ აფსუა იყოს გინდ სხვა, რა მნიშვნელობა აქვს? ეს ბოროტება დიდი ხნის წინ არის დათესილი და შევარდნაძეების და ეხლა სააკაშვილების იარაღია და მტრობის, გადამტერების და სიძულვილისკენ არის მიმართული. ყოველივე ზემოთ თქმული ბოლშევიკების მეთოდი იყო და რჩება სააკაშვილის ყველაზე დაუნდობელ და დამღუპველ იარაღად.

კიდევ ერთი რამ! 9 აპრილი – რომელმა ტელევიზიამ, ვინ ახსენა იქ, იმ დღეს დაღუპულთა სახელები? მე რაც ვნახე – ეროვნული მოძრაობის ყოფილი წევრების პიროვნული განდიდება ან მათი ქებადიდება ისმოდა! იმ ადამიანებისა ვინც გვერდი აქცია ეროვნულს, თუ არ ჩავთვლით, რომ ბევრი მათგანი მოღალატეც კი აღმოჩნდა. აი მათი დიდება და წვლილი ისმოდა და ვინც თავი გასწირა და მათი ოჯახის წევრები არავის გახსენებია? ეს გულგრილობა, ეს უაზრო და დაუმსახურებელი ქება დიდებაა ჩვენ რომ მიგვაქანებს - არც კი ვიცით საით!