...... გარდაიცვალა ბატონი კარლო საკანდელიძე

მიწაში თესლის ჩაგდება არ ნიშნავს, რომ ის გაღვივდება და ნაყოფს მოქცემს. იმ თესლს უნდა ჩააყოლო ფიქრი, სიყვარული და სხვა კეთილი სურვილები. მანამდე მიწას უნდა მოეფერო, დაბარო, მოაცილო ძირფესვიანად უვარგისი, უნაყოფო ბალახი. არ ვიცი რატომ, მაგრამ ასეთი აზრი მომივიდა თავში როდესაც კარლო საკანდელიძის გარდაცვალება გავიგე. ალბათ იმიტომ, რომ ბატონი კარლო ჩვენი მიწის, ჩვენი ერის ნაყოფი იყო. ასეთმა ადამიანებმა თაობიდან თაობაში გადმოქვცა ჩვენი წარსული და პირადად ჩემთვის მომავალიც დაგვიტოვა. ეს პიროვნებები მსახიობები კი არ არიან და ხელოვნების დამსახურებული მოღვაწენი–არამედ ჩვენი წარსულის და მომავლის მასწავლებლები. ბუნებით, თავისთავად დაიბადნენ და იცხოვრეს ერის და ბერის სახსენებლად. ისინი თავად იყვნენ ისეთი ადამიანები რომელთაც ანსახიერებდნენ, რა მნიშვნელობა აქვს დადებითს თუ უარყოფითს ან ეროვნებას.
ბატონო კარლო, სამწუხაროა, რომ წახვედით, წაბრძანდით. ის ნამდვილად იცით, რომ ყველანი ერთად ვიყავით და ვიქნებით. მაგრამ თქვენი და კიდევ მრავალის ცხოვრება ჩემთვის მომავლის თესლია და უეჭველად ნაყოფიერი. შეიძლება მავანმა ბრძანოს: ეს ჩვენი კულტურის დიდი დანაკარგიაო, არ იქნება სიმართლე - თქვენისთანა ადამიანები არ იკარგებიან.

...დიდყურიანის შვილებო..

ეი, თქვენ ..........!

იქამდის დაეცით, რომ ბოროტებამ დაგაბრმავად და ვეღარ აზროვნებთ. აბა რა საკითხია: საქართველო-გრუზია-გეორგია? დაბრმავდით? დაყრუვდით? არ გინდათ გაიგოთ, რომ უკვე ამოგიცნოთ ყველამ, მანაც კი დაყარა ფარ-ხმალი ვისაც ძალიან ენდობოდით და ჯერ კიდევ ენდობით. დაგრჩად გვერდზე ევროკავშირი და ნატო? ეხლა რას შეგვპირდებით? ხავსმოკიდებულები ხართ! რა საკამათო, რა დროული ან სასწრაფო და გადაუდებელი საკითხია როგორ გამოთქვამენ უცხო ენებზე ჩვენი ქვეყნის დასახელებას? რატომ ამახვილებთ ასე გამწარებით ყურადღებას საქართველოზე და ჩვენს დამწერლობაზე? მაიცდამაინც დამწერლობა უნდა გქონდეს და გორგია (ცხადია ინგლისური ჟღერადობით) უნდა გერქვას? ვისაც დამწერლობა არა აქვს-"გენეტიკური კოდი" არ გააჩნია? ვინც ეიფელის კოშკი ააშენა მას კოდი არ ჰქონია, არც გაუდის და არც დალის! თქვენი უბედურება სწორედ ის გახლავთ, რომ არც კოდი გაგაჩნიათ, არც სამშობლო და მამული არ იცით რა არის, რას ნიშნავს. ეს ყველაფერი უნდა იგრძნო და თქვენ ამას ვერასოდეს ვერ შეიგრძნობთ. ვერ შეიგრძნობთ ვინაიდან თქვენ ადამიანის მოძულეები ხართ, დიახ ამ სიტყვის პირდაპირი მნიშვნელობით, დამამძიმებელი გარემოება კი ის გახლავთ, რომ ვერ იტანთ საკუთარ ხალხს - ქართველს, ოსს, აფხაზს, რუსს თუ ქურთს. პატივს არ ცემთ ჩვენი ქვეყნის წარსულს და ამდენად თანამედროვეობისათვის თქვენი არსებობა ავ სიმსივნეს ნიშნავს და დროულად თუ არ ამოიკვეთეთ შესაძლოა მიმდევრები გაგიჩნდნენ და დიდი ზიანი მიაყენოთ საქართველოს და არა მხოლოდ. თქვენ არ იცით, რომ რამდენი ენაც არსებობს იმდენივე ეროვნება ცხოვრობს დედამიწაზე და ყველას თავისი ღმერთი ჰყავს. რაც დრო გადის მით უფრო იკვეთება ეს სინამდილე. ააშენეთ ჩვენი დედაენის ეიფელი, ააშენეთ პარლამენტი! დაუტოვეთ მომავალ თაობებს ვალები, გააბით უღელში საკუთარი ხალხი ….

მხოლოდ იმის დამატება მინდა, რომ თქვენს ირგვლივ მიმოიხედეt, თქვენს საგვარეულო-სანათესაოში და თუკი იქ აღმოგაჩნდათ ვინმე კომუნისტური პარტიის წევრები ჩათვალეთ, რომ სწორედ ისინი იყვნენ ის არამზადა კომუნისტები ვინც ყველაფერს ყიდდა და არაფერი საერთო ჰქონიათ რიგით კომუნისტებთან. აი სწორედ მათი, იმ გაიძვერა კომუნისტების მემკვიდრეები ბრძანდებით და ტყუილად ცდილობთ ერთ ქვაბში მოათავსოთ ყველანი. ლუსტრაცია კი არა არაფერი არ გიშველით, საქართველოს ისტორიაში თქვენ და იმ არამზადებს, ვინც 91 წელს იარაღი აიღო ხელში რის შედეგiცა დღევანდელი საქართველო, ადგილი არა გაქვთ. XXI საუკუნის ბელადებო, ვის ახსენებთ და რა ნამუსით? ვის ასამართლებთ - ვინც დაიღუპა? ვინც თავი შეწირა სამშობლოს? დიახ, მათ უდიდეს უმრავლესობას ასეთი რწმენა ჰქონდა, ისინი ჩვენი წინაპრები იყვნენ და თავიანთ ოჯახებს და სამშობლოს ემსახურებოდნენ. თქვენი უბედურება სწორედ ის გახლავთ, რომ აღარ იცით საით, ვის და რას მიედ-მოედოთ. წინ გაიხედეთ, წინ! მიუხედავად ამდენი სიბოროტისა მებრალებით, საცოდავად გამოიყურებით. ამას თქვენი შვილები და შვილიშვილებიც კი იტყვიან. ლუსტრაცია, არა? ვერასოდეს ვიფიქრებდი, რომ კომუნისტების დასაცავად რაიმეს დავწერდი, მაtი ხსენებაც კი ცოდვა მეგონა. ის, რომ კომუნისტური დიქტატურა არსებობდა და ეს იყო უსაშინელესი სენი ამაში ორი აზრი არ არსებობს, მაგრამ ნუთუ ეს საკითხი არ ჩაბარდა ისტორიას და დღეს მასზე საუბარი და პიროვნებების ხსენება გვესაჭირობა? თქვენ გესაჭიროებათ, ვინაიდან მათზე უარესები ხართ. შეხედეთ რა დღეშია საქართველო? სადამდე მიიყვანეთ: აფხაზეთი, ოსეთი, გადაჭედილი ციხეები, პოლიტიკური პატიმრები, დასმენები, დარბევები. ვის ლუსტრაციაზე საუბრობთ თქვენ, ბოროტებით გაჟღენთილებო? ის რუსეთი იყო და იქნება ჩვენი მეზობელიც და მეგობარიც. ეჭვი არ შეგეპაროთ, ვაი პატრიოტებო!

უცნობს, მაგრამ მეგობარს.

. . . ! ისეთი სიტყვები მომწერეთ, რომ გაოცებული ვარ. არ ვიმსახურებ, მაგრამ ძალიან მესიამოვნა. დიდი მადლობა. ჩვენ ერთმანეთს არ ვიცნობთ, მაგრამ თქვენი პირველივე და გულახდილი სიტყვები მკარნახობს, რომ სულიერად თავისუფალი და პირდაპირი პიროვნება ბრძანდებით. ლექსს გიგზავნით, ესპანურენოვანი პოეტის დაწერილია და ძალიან მომწონს, კედელზე მაქვს გაკრული, უსაზღვროდ შინაარსიანი სიტყვებია. შევეცადე მეთარგმნა და აი ასეთი დარჩა: (პოეტი ალბათ უკეთ თარგმნიდა, მე ჩემთვის ამითაც ვკმაყოფილდები)
აკრძალულია

აკრძალულია ტირილი თუ არ ისწავლე,
ადგომა დილით და არ იცოდე რა გააკეთო,
გქონდეს შიში შენი მოგონებების..

აკრძალულია არ გაუღიმო სირთულეებს,
და არ იბრძოლო მისთვის რაც გინდა,
მიატოვო ყველაფერი შიშის გამო,
არ გადააქციო შენი ოცნებები სინამდვილედ..

აკრძალულია არ შეეცადო გაუგო სხვებს,
იფიქრო, რომ მათი ცხოვრება ნაკლების ღირსია ვიდრე შენი,
არ იცოდე, რომ ყველას აქვს თავისი გზა და სიტყვა.

აკრძალულია არ შექმნა შენი ისტორია,
არ გქონდეს დრო მათთვის ვინც შენ გჭირდება,
არ იცოდე, რომ ცხოვრება რასაც გაძლევს გართმევს კიდეც..

აკრძალულია არ ეძებო შენი ბედნიერება,
არ იცხოვრო დადებითი მოქმედებებით
არ იფიქრო, რომ შეიძლება ვიყოთ უკეთესები,
არ იგრძნო, რომ შენს გარეშე ქვეყანა არ იქნება ისეთი როგორიც არის.

მე მგონი თქვენში უკვე დიდი ხანია არსებობს ეს აიკრძალვები..
ეს წერილი უკვე რამოდენიმე დღეა რომ დავწერე და ვერა და ვერ გამოგიგზავნეთ. ამიტომ ძალიან დიდ ბოდიშს ვიხდი. ღრუბლებზე ვარ დამოკიდებული-როგორც კი მზე დაიმალება მეც ვქრები, გამოიხედავს და მეც გონს მოვდივარ. რას იზამ, მიზეზი ბევრია.
სამწუხარო, მხოლოდ სამწუხარო ამბები შემიძლია, რომ მოგწეროდ. საქართველოს ხელისუფლება, მოძალადე და თავზეხელაღებული ხელისუფლება ყველაფერს აკეთებს იმისათვის, რომ ქვეყანა კიდევ უფრო დასუსტდეს, აბა ვის ეშინია მისი ჯარის და ტანკების? ოსეთში ერთი მეტროთი დაიხიეს და ის უხარიათ. თქვენ ან ვისმეს სჯერავს, რომ რუსეთმა რაიმე დათმოს? მეორე მხრივ, შუაგულ საქართველოში, ოჩამჩირეში რა სახის სამხერო შეიარაღებაც გნებავთ ის შემოყავთ. წყალქვეშა ნავების ჩათვლით. ის, უფლებაც რომ მისცა ჩრდილოეთ კავკასიელებს, უვიზოთ მიმისვლისა განა გამაღიზიანებელი და დასაფიქრებელი არ არის? რა მიზნით, რისთვის? პასუხი ყველა შეკითხვაზე მხოლოდ ერთია - მტრობის გაღვივება! მეტი, სხვა პასუხი არ არსებობს. . . . , შეიძლება დამიჯეროთ? იშვიათად ყოფილა, რომ ჩემი წინასწარმეტყველება არ გამართლებულიყოს და არა მხოლოდ (ამ )პიროვნების მიმართ არამედ ოპოზიციის ნაწილის მიმართაც. ალბათ იკითხავთ, ამ ნაწილში ვის გულისხმობო? გეტყვით, ვინაიდან დარწმუნებული ვარ ამაში - ვინც ამა თუ იმ მიზეზით მონაწილეობა მიიღო ბოლო არჩევნებში და ამით ზურგი გაუმაგრა და ღონე მომატა ამ ხელისუფლებას. მათ ჯერ კიდევ აქვთ საშუალება სამშობლოს სახელით ილაპარაკონ, მხოლოდ უნდა გაერთიანდნენ იმ ძალებთან რომელთაც მსგავსი ნაბიჯი არ გადაუდგამთ და ერთგულები არიან თავიანთი სიტყვებისადმი. (გაიხსენეთ 2009 წლის პირველი ნახევარი.) ძალიან ცუდი წინათგრძნობა მაქვს და ძალიან მეშინია, არ განმეორდეს 91 წელი; აფხაზეთის ტრაგედია; ოსეთის ტრაგედია. ან იქნებ, ჯერ კიდევ ჩვენთვის სრულიად უცნობი და შემზარავი რამ. (ის) სრულიად აშკარად უპირისპირდება ქართველი კაცის ბუნებას, ჩვენს წარსულს, საერთოდ გაგვრიყა. უფრო მეტიც, დღითიდღე უარესდება წარმოდგენა ჩვენს ერზე. ის მანც დამიჯერეთ, რომ ამ დამოკიდებულებას (პიროვნებისადმი-ქართველისადმი) თავიანთ თავზე განიცდიან ასიათასობით სამშობლოდან იძულებით გადასახლებული, გაპარული თუ გნებავთ თავიანთი კეთილი ნებით წასული ადამიანები. გაიხსენეთ:" აი ეხლა გაგვიცნო მსოფლიომო …..!" ¡2008 წლის აგვისტოში (9 თუ 10 გვისტო იყო) განაცხადა, ისიც მიაყოლა:" ჩვენ ისეთი ზარალი და დამარცხება მივაყენეთ რუსებსო . . .???" ნუთუ მართლა დავამარცხეთ ვინმე? ნუთუ მართლაც მოვიპოვეთ რაიმე გამარჯვება? ნუთუ მხოლოდ მე ვერ ვხედავ და არ მესმის ამდენი? ნახეთ რა გზები დააგოო! ასე უთქვამს (მის) მომხრეს. რაც უფრო მცირე მიწები გვექნება მით უკეთესი გზები გვექნება ალბათ. ხელისუფლებამ აბა სხვა რა უნდა აკეთოს თუ არადა ხალხს და თავის ქვეყანას ემსახუროს? ქართულ ეიფელის კოშკზე, პარლამენტის მშენებლობაზე და გინესის წიგნში შესვლაზე უნდა ფიქრობდეს დღეს საქათველოს ხელისუფლება? იმ უსახლკაროდ დარჩენილებს, იმ გაუბედურებულებს ქუჩა-ქუჩა, რომ დააწანწალებენ იმათ ვინ უნდა უშველოს და შეიფაროს? მე მინდა გითხრათ, რომ იმ ქართული ანბანის კოშკის მშენებლობა არ არის კარგი საქციელი და ბევრ ჩვენთვის ნაცნობს თუ უცნობს შეიძლება ჩვენდაუნებურად ვაწყენინოთ! ძალიან გთხოვთ კარგად დაფიქრდეთ ამ საკითხზე, იქნებ ვცდები? სხვა რა გითხრათ? კიდევ ერთი და რაც მავარია:
" .. ნუ ნაღვლობ ჩემო ქვეყანავ .."